ԳԱՏԱՀ–ին կյանքի կոչելու հարցում չի կարելի թերագնահատել միջազգային հանրության դերը։ Միջազգային հանրության աջակցությունն իրականացվել է ԱՄՆ Քաղաքացիական հետազոտությունների և մշակումների հիմնադրամի (ՔՀՄՀ) միջոցով։ Մեզ մնում է մեր գոհունակությունն արտահայտել ՔՀՄՀ–ի ընկերական և մեծահոգի անձնակազմին, որը ևս մեկ անգամ ապացուցել է, որ գիտությունը համաշխարհային երևույթ է։

Հարություն Ա. Կարապետյան
ԳԱՏԱՀ–ի հիմնադիր նախագահ և գործադիր տնօրեն

Մեր համագործակիցները
Հիմնադրման օրվանից ի վեր ԳԱՏԱՀ–ը համագործակցել է այնպիսի հեղինակավոր արտասահմանյան կազմակերպությունների հետ, ինչպիսիք են՝

ԱՄՆ Քաղաքացիական հետազոտությունների և մշակումների հիմնադրամը (US CRDF),

Գիտության զարգացման ամերիկյան ասոցիացիան (AAAS),

Գիտության ազգային հիմնադրամը (NSF)։

ԳԱՏԱՀ–ը փորձում է նպաստել Հայաստանի և Սփյուռքի միջև կապերի հզորացմանը՝ համագործակցելով Սփյուռքի այնպիսի կազմակերպությունների հետ, ինչպիսիք են՝

Ամերիկայի հայ ճարտարագետները և գիտնականները (AESA),

Հայկական միացյալ հիմնադրամը (UAF),

Ծովածոցի շրջանի հայաստանյան ընկերները (BAFA),

Ծոմ Հայաստանի համար կազմակերպությունը (FFA)։

Մենք ՔՀՄՀ–ին պարտական ենք 1997թ. մեր գործունեության սկզբնավորումից ի վեր մեզ տրամադրած ամենամեծ ու երկարատև աջակցության համար։ ՔՀՄՀ–ի մասին ավելի մանրամասն տեղեկություններ կարող եք գտնել հաջորդ էջում։